Natequid Matses

 

Abimbo Chiec Nashunembi Quiaid:


MatsesMatsés nashunembi ma ambi ënden nanëdaidbëta ma abí icnëdaid bëshunenquiocno queshun.  Aton nidaidtsen ma dayunuanu queshun naden nate bunebi.  Chotac yacnoshombi piucquid uesbunnenu quenquiocquin cun Matsés nashunte bunquin bedanaid nëid caid nec.  Aden nëid naquin mibi bëyucquid Presidente caid icta catiapimbo iquebi chotac caquin.  Utsi caidënshumbien chotaqui Presidente caid icmiac. Aden umbi icmiac Matsés tantiaquin nainquiocquin atonauidi tantiaquin naitsiash chotaquën.  Chotac presidente caid icquin atonauidi tantiaquin nasho Matsesën badedquio cuenmetsiash.  Matsés besecadesa nec, chieshtuash badedquio cuenmianquid.  Aden tantiec ambimbobi nate bunquid Matsés nec.  Chotaquën ampenuna cadesa Matsés nec.  Ampenu quenquio yec tabadquin bädambuen naquido Matsés nec.  Ma adec tabadquin aton nidaid dayunuanu queshun Matsés nashunte bunebi.

Matsés Ambibi aton Tsusedpabon sananampid tanquin Ënenquiocquin nashun Shumi bitsi bedte caid Matsés nashunnu quequin tantiaid chotac impuesto caid nëmbocquid chotac chuiquid tapabo menenu caidpenquio nec.  Aden tantienquiocquin tsundan nashuntiapimbo yec Matsés mëyadcuededsho issun Matsés tantiaquin naid nëid organizacón nec. Cuna yacnouidtsëqui tantiaquin nanu quequimpenquio naid nëid nec, Matsés abitedimbo tantiaquin naid.

Bëdambuec ubi chedobëd onquete bunquin nëid shubu yacno dadauata:

 

Matses Movement
Iquitos, Peru
Maquinianuësh Dadauaic Cuinnanec Onquete (E-mail) :
info@matses.org

 

 

Dadauaid Bëca Isquin Bedante | Matsés Yacno Tedi | Natequid | Naimbi Quequin Tantiaid | English | Español

 
© Copyright 2006-2012, MATSES, Uquenquiocquin Isnun Dayunuaidtedi, Natequid Matses